• search
For Quick Alerts
ALLOW NOTIFICATIONS  
For Daily Alerts

    தமிழக தலைமை செயலாளர் திடீர் மாற்றம்: லட்சுமி நியமனம்

    By Staff
    |

    சென்னை:

    தமிழக அரசின் தலைமைச் செயலாளராக இருந்து வந்த சுகவனேஸ்வர் திடீரென மாற்றம் செய்யப்பட்டு டான்சிநிறுவனத் தலைவராக நியமிக்கப்பட்டுள்ளார். மேலும் 13 ஐ.ஏ.எஸ். அதிகாரிகளும் பந்தாடப்பட்டுள்ளனர்.

    புதிய தலைமை செயலாளரான லட்சுமி பிரானேஷ் நியமிக்கப்பட்டுள்ளார். இதன்மூலம் தமிழகத்தில் முதல் பெண்தலைமைச் செயலாளர் என்ற பெருமையை இவர் பெறுகிறார்.

    இதுவரை கூட்டுறவு, உணவு மற்றும் நுகர்வோர் பாதுகாப்பு துறைகளுக்கான கூடுதல் செயலாளராக இருந்து வந்தார்லட்சுமி பிரானேஷ். திடீரென இவரை தலைமைச் செயலாளர் பதவியில் அமர்த்தியுள்ளார் முதல்வர் ஜெயலலிதா.

    சுகவனேஸ்வர் கிட்டத்தட்ட பதவி இறக்கம் செய்யப்பட்டு பிரச்சனைக்குரிய டான்சி நிறுவனத்தின் தலைவராகநியமிக்கப்பட்டுள்ளார்.

    டான்சி நிலத்தை ஜெயலலிதாவும் சசிகலாவும் அடிமாட்டு விலைக்கு வாங்கிய வழக்கில் இருவருக்கும் உச்சநீதிமன்றம் தண்டனை விதிக்கப்படும் என்று கருதப்பட்டு வரும் நிலையில் அந்தத் துறையின்தலைவராக்கப்பட்டுள்ளார் சுகவனேஸ்வர்.

    இதுவரை லட்சுமி பிரானேஷ் வகித்து வந்த பதவி எஸ். பாலகிருஷ்ணன் ஐ.ஏ.எஸ். வசம் ஒப்படைக்கப்பட்டுள்ளன.

    சுகவனேஸ்வர் நான்கு மாதங்களுக்கு முன்னர் தான் அவர் தலைமைச் செயலாளராக நியமிக்கப்பட்டார் என்பதுகுறிப்பிடத்தக்கது. அதிமுக ஆட்சி பதவிக்கு வந்த பின்னர் நியமிக்கப்படும் நான்காவது தலைமைச் செயலாளர்லட்சுமி பிரானேஷ் என்பதும் குறிப்பிடத்தக்கது.

    திமுக ஆட்சியை இழந்தபோது முத்துசாமி தலைமைச் செயலாளராக இருந்தார். அவர் பதவிக் காலம் முடிந்து ஓய்வுபெற்ற பின்னர் மத்திய அரசில் நல்ல பதவியில் இருந்த சங்கரை அங்கிருந்து இழுத்து வந்து தலைமைச்செயலாளராக்கினார் ஜெயலலிதா.

    ஜெயலலிதாவுடன் பிரச்சனை வந்ததையடுத்து சங்கர் தூக்கியடிக்கப்பட்டார். அவர் மீண்டும் மத்திய அரசிடம்தஞ்சமடைந்து திட்டக் கமிஷன் துணைத் தலைவரானார். இப்போது மத்திய லஞ்ச ஒழிப்பு கமிஷ்னராகிஜெயலலிதாவை டென்சனாக்கி வருகிறார்.

    சங்கரைத் தூக்கிவிட்டு நிதித்துறையின் உயர் அதிகாரியாக இருந்த சுகவனேஸ்வரை அவரது விருப்பத்தையும் மீறிதலைமைச் செயலாளராக்கினார். எதற்கும் வளைந்து கொடுக்காத மிக நியாயமான அதிகாரி என்ற பெயர் பெற்றசுகவனேஸ்வர் இந்தப் பதவியும் மிக நேர்மையாக இருந்தார்.

    அதற்குப் பரிசாக இப்போது அவரை தூக்கி அடித்துள்ளது தமிழக அரசு.

    புதிய தலைமைச் செயலாளராகியுள்ள லட்சுமி பிரனேஷ் 1967ம் ஆண்டு பேட்ச் ஐ.ஏ.எஸ். அதிகாரியாவார்.

    Mail this to a friend  Post your feedback  Print this page 

    பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

     
     
     

    நாள் முழுவதும் oneindia
    செய்திகளை உடனுக்குடன் பெற

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more