""பா.ஜ.க. பொய் சொல்கிறது"": கருணாநிதி பாய்ச்சல்

சென்னை:

பா.ஜ.கவுடனான உறவை முழுக்க முழுக்க துண்டித்துக் கொள்ளப் போவதாக திமுக பொதுக் குழுக் கூட்டத்தில்எந்தவிதமான முடிவும் எடுக்கப்படவில்லை என்று திமுக தலைவர் கருணாநிதி கூறியுள்ளார்.

இது தொடர்பாக கருணாநிதி இன்று வெளியிட்டுள்ள அறிக்கையில்,

அதிமுகவைத்தான் ஆதரிக்கப் போகிறோம் என்று பா.ஜ.க. தைரியமாக முன் வந்து கூறலாமே?

அதை விட்டுவிட்டு பா.ஜ.கவுடனான உறவை முறித்துக் கொள்ளப் போவதாக நாங்கள்தான் கடந்த பிப்ரவரியில்நடந்த திமுக பொதுக் குழுக் கூட்டத்தில் முடிவெடுத்ததாக அக்கட்சி கூறி வருகிறது. இது முழுப் பொய்.

கடந்த பிப்ரவரி மாதம் திமுகவின் பொதுக் குழு கூடவே இல்லை. இது முதல் பொய். மேலும் மார்ச்சில் நடந்த திமுகபொதுக் குழுக் கூட்டத்தில் பா.ஜ.க. உறவை முறித்துக் கொள்ளப் போகிறோம் என்று நாங்கள் எந்தவிதமானமுடிவும் எடுக்கவில்லை.

திமுகவுடன் உறவு இல்லை, ஆனால் நட்பு மட்டுமே இனி இருக்கும் என்று பா.ஜ.கவின் தேசியப் பொதுச்செயலாளரான இல. கணேசன்தான் தொடர்ந்து கூறி வந்தார். இப்போது நாங்கள்தான் அவ்வாறு கூறியதாகக்குற்றம் சாட்டுவது சரியல்ல.

மேலும் இந்துக்களுக்கு எதிரான கருத்துக்களை திமுக தொடர்ந்து பேசி வருவதாக பொய்யான தகவல்களையும்பா.ஜ.க. பரப்பி வருகிறது.

அனைத்து மதத்தினரையும் சமமாகப் பாவித்து வரும் நாங்கள் எப்படி இந்துக்களை மட்டும் எதிரிகளாகக்கருதுவோம்? இந்துக்கள் மனம் புண்படும்படியாக எப்படிப் பேசுவோம்?

கப்பல் போக்குவரத்துத் துறை அமைச்சரான திருநாவுக்கரசர் இவற்றையெல்லாம் சிந்தித்துப் பார்க்க வேண்டும்.ஏனென்றால் அவரும் இவ்வளவு காலமும் திராவிடப் பரம்பரையிலிருந்து விட்டுதான் சமீபத்தில் பா.ஜ.கவில்சேர்ந்துள்ளார்.

பா.ஜ.கவினர் தொடர்ந்து இவ்வாறு பேசி வருவதால் திமுகவுக்கு எந்தவிதமான பாதிப்பும் ஏற்படாது. மத்தியில்உள்ள தேசிய ஜனநாயகக் கூட்டணியிலும் திமுக தொடர்ந்து இடம்பெறும். இதில் எந்தவிதமான மாற்றமும்இல்லை. ஆனால் தமிழக பா.ஜ.கவுடன் எந்தவிதமான உறவும் கிடையாது என்று அவ்வறிக்கையில் கருணாநிதிகூறியுள்ளார்.

பொடா சட்டத்தின் கீழ் கைது செய்யப்பட்டுள்ள மதிமுக பொதுச் செயலாளர் வைகோவுக்கு எதிராக தமிழக அரசுகுற்றப்பத்திரிக்கை தாக்கல் செய்யும் அளவுக்கு நிலைமை மோசமாகியும் கூட, இது குறித்து மத்திய அரசுகவலைப்பட்டதாகவே தெரியவில்லை.

இதனால் மதிமுகவுக்கும் பா.ஜ.கவுக்கும் இடையே விரிசல் அதிகரித்துக் கொண்டே வரும் சூழ்நிலையில், அதேஅளவிலான விரிசல் திமுகவுக்கும் பா.ஜ.கவுக்கும் இடையிலும் கூட ஏற்பட்டுள்ளது.

தேசிய ஜனநாயகக் கூட்டணியில் இருந்து கொண்டே எதிர் எதிராகச் செயல்பட்டு வந்த திமுகவும் மதிமுகவும்தற்போது நெருங்கி வந்து கொண்டிருக்கின்றன என்பதும் குறிப்பிடத்தக்கது.

-->