களம் இறங்கினார் குமாரதாஸ்: சாத்தான்குளத்தில் அதிமுகவுக்காக பிரசாரம்

சாத்தான்குளம்:

சாத்தான்குளம் தொகுதி அதிமுக வேட்பாளர் நீலமேகவர்ணத்திற்காக தமிழ் மாநில காமராஜர் காங்கிரஸ் கட்சியின்(த.மா.கா.கா) தலைவர் டாக்டர்குமாரதாஸ் தீவிரப் பிரசாரத்தில் ஈடுபட்டுள்ளார்.

அதிமுக ஆதரவுடன் காங்கிரசை உடைத்து த.மா.கா.காவை உருவாக்கினார் குமாரதாஸ். சமீபத்தில் திமுகஉறுப்பினர் பரிதி இளம்வழுதியுடன் சட்டமன்றத்தில் மோதல் ஏற்பட்டதையடுத்து குமாரதாசுக்கு போலீஸ்பாதுகாப்பை வழங்கியுள்ளது தமிழக அரசு.

இப்போது சாத்தான்குளத்தில் அதிமுகவுக்காக பிரச்சாரத்தில் ஈடுபட்டுள்ள குமாரதாஸ் நிருபர்களிடம் பேசுகையில்,

சட்டசபையில் பரிதிஇளம் வழுதி எம்.எல்.ஏ. என்னைத் தாக்கியதை கண்டிக்காத எதிர்க்கட்சிகளைக்கண்டிக்கிறேன். இந்தக் கட்சிகள் பரிதிக்கு ஆதரவாக செயல்படுகின்றன.

தோல்வியைச் சந்திக்கும் தைரியம் இல்லாத காரணத்தால்தான் திமுக இங்கு போட்டியிடவில்லை. அதுமட்டுமல்லாது, பிற எதிர்க் கட்சிகளும் தோல்வியைச் சந்திக்க வேண்டும் என்ற ஆசையில்தான் எந்தக் கட்சிக்கும்அது வெளிப்படையாக ஆதரவு தெரிவிக்கவில்லை.

எங்கள் கட்சியின் எம்.எல்.ஏவான ஹக்கீமும் விரைவில் இங்கு அதிமுகவுக்காக தேர்தல் பிரசாரத்தில் ஈடுபடுவார்என்றார் குமாரதாஸ். ஹக்கீமுக்கும் அரசு போலீஸ் பாதுகாப்பு தந்துள்ளது குறிப்பிடத்தக்கது.

காங். தேர்தல் குழு:

இதற்கிடையே சாத்தான்குளம் தொகுதியில் தேர்தல் பணிகளைக் கவனிக்க காங்கிரஸ் தலைவர் சோ.பாலகிருஷ்ணன்,செயல்தலைவர் இளங்கோவன் தலைமையில் 25 பேர்கொண்ட குழு அமைக்கப்பட்டுள்ளது.

இந்தக் குழுவினர் விரைவில் தொகுதிக்குச் சென்று தேர்தல் பணிகளில் ஈடுபடுவர் என்று மாநில காங்கிரஸ்கட்சியின் செய்திக் குறிப்பில் கூறப்பட்டுள்ளது.

சாத்தான்குளத்தில் காங்கிரஸ் சார்பில் வழக்கறிஞர் மகேந்திரன் போட்டியிடுகிறார்.

-->