பிரிட்டிஷ் போர் விமானம் வீழ்த்தப்பட்டது

பாக்தாத்:

பாக்தாக் மீது தாக்குதல் நடத்திய பிரிட்டிஷ் விமானத்தை ஈராக்கியப் படைகள் சுட்டு வீழ்த்தின. இதை இங்கிலாந்துராணுவமும் உறுதி செய்துள்ளது.

அந்த விமானத்தில் இருந்த பெண் பைலட், கோ- பைலட் இருவரும் பாராசூட் மூலம் பத்திரமாக தரையில்குதித்தனர். அவர்களை ஈராக் படைகள் சுற்றி வளைத்து கைது செய்துள்ளன. அபு கரியேப் என்ற இடத்தில் இந்தவிமானம் சுட்டு வீழ்த்தப்பட்டதாக ஈராக் வெளியுறவுத்துறை அமைச்சர் நஜி சாப்ரி தெரிவித்தார்.

எகிப்து தலைநகர் கெய்ரோவில் நடக்கும் அரபு நாடுகளின் கூட்டத்தில் பங்கேற்க அவர் வந்தார். கடும் போருக்குஇடையிலும் அவர் திடீரென இக் கூட்டத்தில் பங்கேற்க வந்தது அனைத்து அரபு நாடுகளையும் ஆச்சரியத்தில்ஆழ்த்தியுள்ளது.

தனது விமானம் சுட்டு வீழ்த்தப்பட்டதை பிரிட்டிஷ் ராணுவமும் உறுதி செய்துள்ளது. ஈராக் மீது குண்டு வீசச் சென்றவிமானம் திரும்பி வரவில்லை என லண்டனில் ராணுவ செய்தித் தொடர்பாளர் நிருபர்களிடம் கூறினார்.

வீழ்த்தப்பட்டது எந்த வகையான விமானம் என்பதையோ அதில் இருந்த குண்டுகள் குறித்தோ எந்த விவரத்தையும்பிரிட்டன் தெரிவிக்கவில்லை.

அமெரிக்க ஏவுகணை தாக்கியதா?

அதே நேரத்தில் இந்த போர் விமானத்தை அமெரிக்காவின் ஏவுகணை எதிர்ப்பு ஏவுகணை தான் தவறுதலாகத்தாக்கி வீழ்த்தியதாக பிரிட்டிஷ் விமானப் படை தெரிவித்துள்ளது.

-->