லாரி ஏற்றி கொல்லப்பட்ட தாசில்தார் குடும்பத்துக்கு ரூ. 5 லட்சம் நிதியுதவி

சென்னை:

காஞ்சிபுரம் மாவட்டம் எருமையூர் என்ற இடத்தில் லாரி ஏற்றிக் கொலை செய்யப்பட்ட தாசில்தார்புண்ணியகோடியின் மனைவி ஆதிலட்சுமியிடம் முதல்வர் ஜெயலலிதா ரூ. 5 லட்சம் நிதியுதவியை வழங்கினார்.

எருமையூர் என்ற இடத்தில் உள்ள கல் குவாரியிலிருந்து திருட்டுத்தனமாக கற்களை லாரிகளில் ஏற்றிக்கொண்டிருந்தவர்களைத் தடுத்த தாசில்தார் புண்ணியகோடி லாரி ஏற்றிக் கொலை செய்யப்பட்டார்.

இதையடுத்து அவரது குடும்பத்திற்கு ரூ. 5 லட்சம் இழப்பீடு தரப்படும் என்று ஜெயலலிதா அறிவித்தார்.

இதைத் தொடர்ந்து புண்ணியகோடியின் மனைவி ஆதிலட்சுமி தனது மகனுடன் முதல்வர் ஜெயலலிதாவைதலைமைச் செயலகத்தில் சந்தித்தார். அவரிடம் ரூ. 5 லட்சத்திற்கான காசோலையை ஜெயலலிதா வழங்கினார்.