கே.ஆர். விஜயா தங்கை வத்சலாவுக்கு கொலை மிரட்டல்

சென்னை:

நடிகை கே.ஆர். விஜயாவின் தங்கையும் நடிகையுமான வத்சலாவிடம் ரூ. 6 லட்சம் மோசடி செய்யப்பட்டுள்ளது. இது குறித்துபோலீஸ் கமிஷ்னர் அலுவலகத்தில் வத்சலா புகார் கொடுத்துள்ளார்.

பல திரைப்படங்களில் நடித்த இந்த வத்சலா இப்போது சூலம் டிவி தொடரிலும் நடித்து வருகிறார்.

இவர் கோயம்பேடு மார்க்கெட்டில் கடை வாங்குவதற்காக தொழிலதிபர் சோலை என்பவரிடம் ரூ. 6 லட்சம் பணம் தந்தார்.ஆனால், கடையை வாங்கித் தராத சோலை பணத்தையும் திருப்பித் தரவில்லை.

இதையடுத்து வத்சலா பணம் கேட்டு நெருக்குதல் தரவே, அவருக்கு சோலையின் ஆட்கள் கொலை மிரட்டல் விடுக்கஆரம்பித்தனர்.

இதையடுத்து வத்சலா இன்று சென்னை போலீஸ் கமிஷ்னர் அலுவலகம் சென்று சோலையிடம் இருந்து தனது உயிருக்கு பாதுகாப்புகோரியதோடு, பணத்தை வாங்கித் தருமாறும் மனு கொடுத்துள்ளார்.

கேரளத்தைச் சேர்ந்த வத்சலா ஒரு காலத்தில் ஏகத்துக்கும் கவர்ச்சி காட்டி நடித்தவராவார்.