கூட்டணி: ஜெவை சந்திக்க வெங்கைய்யா நாயுடு திட்டம்

டெல்லி:

தேசிய ஜனநாயகக் கூட்டணியில் இருந்து பா.ம.கவும் விலகிவிட்டதால், தனித்துவிடப்பட்டுள்ள பா.ஜ.க.எப்படியாவது அதிமுகவுடன் கூட்டணி சேர்ந்துவிடும் மும்முரத்தில் உள்ளது.

இது குறித்து முதல்வர் ஜெயலலிதாவுடன் பேச்சு நடத்த பா.ஜ.க. தலைவர் வெங்கைய்யா நாயுடுவும், தேசியஜனநாயகக் கூட்டணியின் ஒருங்கிணைப்பாளர் ஜார்ஜ் பெர்னாண்டசும் சென்னை வரவுள்ளனர்.

அதற்கு முன்னதாக ஜெயலலிதாவுடன் துணைப் பிரதமர் அத்வானி தொலைபேசியில் பேச்சு நடத்துவார் என்றுதெரிகிறது. ஆனால், தனது ஆதரவு தேவையெனில் பிரதமர் வாஜ்பாயே தன்னிடம் பேச வேண்டும் எனஜெயலலிதா கோரிக்கை வைக்கலாம் என்று தெரிகிறது.

ஜெயலலிதாவைச் சந்திக்க மாநில பா.ஜ.க. தலைவர்கள் எடுத்த முயற்சிகள் இதுவரை பலன் தரவில்லை.அவர்களுக்கு போயஸ் கார்டன் கதவுகள் திறக்க வாய்ப்பே இல்லை என்பதால், மத்தியத் தலைவர்களையேபெரிதும் நம்பியிருக்கின்றனர்.