13 இடங்களில் திமுக போட்டி: காங்கிரசுக்கு 12 சீட்!

சென்னை:

திமுக தலைமையில் தமிழகத்தில் அமையவுள்ள புதிய கூட்டணியில் காங்கிரஸ் கட்சிக்கு 12 இடங்கள்ஒதுக்கப்படலாம் என்று தெரிகிறது.

தமிழகம் மற்றும் புதுவையில் உள்ள மொத்தம் 40 தொகுதிகளில் திமுக 13 சீட்களில் போட்டியிட முடிவுசெய்துள்ளது. காங்கிரஸ் கட்சிக்கு 11 சீட்கள் ஒதுக்கப்படலாம். பாமகவுக்கு 6 இடங்களும் மதிமுகவுக்கு 4 சீட்களும்தரப்படலாம் என்று தெரிகிறது.

இரண்டு கம்யூனிஸ்ட் கட்சிகளுக்கும் தலா 2 தொகுதிகளும், இந்திய தேசிய லீக், இந்திய தேசிய முஸ்லீம் லீக் ஆகியகட்சிகளுக்கு தலா 1 தொகுதியும் வழங்கப்படலாம்.

காங்கிரஸ் சார்பில் முதல் கட்டமாக 15 இடங்கள் கோரப்பட்டுள்ளதாகவும், ஆனால், 12 தான் தர முடியும் என திமுககூறிவிட்டதாகவும் தெரிகிறது.

பா.ம.க. கூடுதலாக ஒரு இடம் கேட்டால், காங்கிரசுக்குத் தருவதில் ஒரு இடத்தை திமுக குறைக்கும் எனவும்அறிவாலய வட்டாரங்கள் தெரிவிக்கின்றன. அதே நேரத்தில் மதிமுக இன்னொரு இடம் கேட்டால், திமுக தனதுஎண்ணிக்கையை 12 ஆக்கிக் கொண்டு மதிமுகவுக்கு கூடுதல் சீட் தரும் என்கின்றனர்.

கூட்டணியை உருவாக்கி, அதற்குத் தலைமை வகித்தாலும், திமுகவால் 13 இடங்களுக்கு மேல் போட்டியிட முடியாதநிலையே நிலவுகிறது.

இதற்கிடையே முஸ்லீம் கட்சிகளில் ஒரு கட்சிக்கு மட்டும் இடம் தந்துவிட்டு, இன்னொரு கட்சி சொல்லும் இடத்தில்திமுக சார்பிலேயே முஸ்லீம் வேட்பாளரை நிறுத்தவும் வாய்ப்புள்ளது. அப்படி நடந்தால் திமுகவுக்கு கூடுதலாகஇன்னொரு இடம் கிடைக்கும்.