மேட்டூர் நீர்மட்டம் 90 அடியை தாண்டியது

சேலம்:

மேட்டூர் அணையின் நீர்மட்டம் 90 அடியைத் தாண்டியுள்ளது.

மேட்டூர் அணைக்கு கர்நாடகத்தின் கபினி அணையிலிருந்து அதிக அளவில் நீர் வந்து கொண்டிருப்பதால்அணையின் நீர் மட்டம் வேகமாக உயர்ந்து வருகிறது. தினசரி 3 அடி வீதம் நீர் இருப்பு அதிகரித்து வருகிறது.

இன்று காலை நிலவரப்படி அணையின் நீர்மட்டம் 90 அடியைத் தொட்டது. அணைக்கு விநாடிக்கு 39,027 கன அடிநீர் வந்து கொண்டுள்ளது. அணையிலிருந்து தண்ணீர் திறந்து விடுவது நிறுத்தி வைக்கப்பட்டுள்ளது.

தொடர்ந்து கபினியிலிருந்து தண்ணீர் திறந்து விடப்பட்டு வருவதால் மேட்டூர் அணைக்கு மேலும் அதிக நீர் வரும்வாய்ப்பு உள்ளது.