முஸ்லீம்கள் மக்கள் தொகை: சென்சசில் பெரும் குளறுபடி

டெல்லி:

முஸ்லீம்களின் மக்கள் தொகை வளர்ச்சி குறித்து மத்திய கணக்கெடுப்பு வாரியம் வெளியிட்டவிவரம் தவறானது என்று தெரியவந்துள்ளது. கடந்த 1991ம் ஆண்டு சென்சசில் ஜம்மூ-காஷ்மீர்மக்கள் தொகையை கணக்கிலேயே எடுத்துக் கொள்ளாத கணக்கெடுப்பு வாரியம் 2001ம் ஆண்டுஅதையும் சேர்த்துள்ளது.

இதனால் திடீரென முஸ்லீம்களின் மக்கள் தொகை பெருமளவில் வளர்ச்சி அடைந்தைப் போன்றதோற்றம் ஏற்படுத்தப்பட்டுள்ளது. 2001ம் ஆண்டு கணக்கெடுப்பின்படி ஜம்மூ-காஷ்மீரில் 10,069,917மக்கள் தொகை உள்ளதாக சென்சஸ் கூறியுள்ளது. இதில் 95 சதவீதத்துக்கும் மேலானவர்கள்முஸ்லீம்கள்.

இந்த சுமார் 1 கோடி பேர் கடந்த சென்சசில் விடுபட்டுப் போனவர்களாவர்.

1991-2001ம் ஆண்டுக்கு இடைப்பட்ட காலத்தில் இந்துக்களின் மக்கள் தொகை வளர்ச்சி 20.3சதவீதம் என்றும் முஸ்லீம்களின் வளர்ச்சி விகிதம் 36 சதவீதம் என்றும் சென்ஸஸ் ரிப்போர்ட்டில்கூறப்பட்டுள்ளது.

இந்த ஜம்மூ- காஷ்மீர் மக்கள் தொகையை கணக்கில் எடுத்தால், முஸ்லீம்களின் மக்கள் தொகைவளர்ச்சி 29.3 சதவீதம் மட்டுமே என்பதும் தெரியவந்துள்ளது. இது 1991ம் ஆண்டில் 33சதவீதமாக இருந்தது.

அதே போல இந்துக்களின் மக்கள் தொகை வளர்ச்சி விகிதம் 20.3 சதவீதம் என்று 2001ம் ஆண்டுசென்சஸ் கூறுகிறது. ஆனால், அதன் புள்ளிவிவரங்களை தெளிவாக ஆராய்ந்தால் இது 19.9சதவீதம் தான் என்று தெரிய வருகிறது. இந்துக்களின் மக்கள் தொகை பெருக்க விகிதம்இஸ்லாமியர்களை விட வேகமாகவே குறைந்து வருகிறது.

மொத்தத்தில் இஸ்லாமியர்களின் மக்கள் தொகை வளர்ச்சி விகிதமும் இந்துக்களின் மக்கள் தொகைவளர்ச்சி விகிதமும் குறைந்து கொண்டு தான் வருகிறது என்றும் தெரியவருகிறது.

நாட்டின் ஒட்டுமொத்த மக்கள் தொகையில் 80.5 சதவீதத்தினர் இந்துக்கள். முஸ்லீம்களின் சதவீதம்13.4. கிருதுவர்கள் 2.3 சதவீதம். சீக்கியர்கள் 1.9 சதவீதம், புத்த மதத்தினர் 0.8 சதவீதம், ஜைனமதத்தினர் 0.4 சதவீதமாகவும் மற்ற மதத்தினரின் விகிதம் 0.6 சதவீதமாகவும் உள்ளது.