ஜெ.விடம் மாற்றம்: பாஜக வரவேற்பு
சென்னை:
முதல்வர் ஜெயலலிதாவிடம் ஏற்பட்டுள்ள மாற்றம் வரவேற்புக்கு உரியது என்று பாஜக தேசிய செயற்குழுஉறுப்பினர் திருநாவுக்கரசர் கூறினார்.
சென்னையில் செய்தியாளர்களிடம் அவர் கூறியதாவது:
அதிமுக, -பாஜக இடையே கூட்டணி இல்லை; நட்புக் கட்சிகளாக இருக்கிறோம் என்று முன்பு பாஜக கூறியது.தற்போது ஜெயலலிதாவின் டெல்லி பேட்டியால் அதில் எந்த மாற்றமும் கிடையாது.
சோனியாவை தனிப்பட்ட முறையில் விமர்சிக்கவில்லை என்று ஜெயலலிதா கூறியுள்ளார். எப்போதும்அரசியல்வாதிகள் கடைசியில் சொல்வதைத்தான் எடுத்துக் கொள்ள வேண்டும். முன்பு சொன்னதை நினைத்துக்கொண்டிருக்கக் கூடாது.
மாநில மக்கள் நலனைக் கருத்தில் கொண்டு, மத்திய அரசுடன் சுமுக உறவு வேண்டும் என்பதற்காக ஜெயலலிதாஅப்படி கூறியிருந்தால், அது வரவேற்கத்தக்கது.
ஜெயலலிதாவின் இந்த பேட்டியை, கூட்டணி மாற்றத்துக்கான அஸ்திவாரமாக பாஜக நினைக்கவில்லை. அவர்மீதுள்ள வழக்கு விசாரணைக்கும், இதற்கும் சம்பந்தம் இருப்பதாக நான் கருதவில்லை என்றார் திருநாவுக்கரசர்.