பள்ளி, கல்லூரி அருகே சிகரெட் விற்க தடை

சென்னை:

பள்ளி, கல்லூரிகளைச் சுற்றி 100 மீட்டர் தூரத்திற்கு சிகரெட், பீடி உள்ளிட்ட புகையிலைப் பொருள்களை விற்பனை செய்ய வரும் டிசம்பர்1-ம் தேதி முதல் தடை விதிக்கப்படும் என்று மத்திய சுகாதாரத் துறை அமைச்சர் அன்புமணி தெரிவித்தார்.

பல் மருத்துவ அகாதெமி விழாவில் பங்கேற்ற பின் நிருபர்களுக்கு அளித்த பேட்டியில் அவர் மேலும் கூறியதாவது:

புகையிலைப் பொருள்கள் விற்பனைக்குத் தடை விதிப்பதில் மாநில அரசுகள் தன்னிச்சையாக முடிவு எடுக்கக் கூடாது என்றுதான் உச்சநீதிமன்றம் உத்தரவிட்டுள்ளது.

பொது இடங்களில் சிகரெட், பீடி பிடிக்கத் தடை, புகையிலை பொருள்களை விளம்பரம் செய்வதற்கு தடை, 18 வயதுக்குகுறைந்தவர்களுக்கு சிகரெட் விற்பனை செய்யத் தடை போன்றவை அப்படியேதான் அமலில் உள்ளன.

இத் தடைகள் இன்னும் கடுமையாக அமல்படுத்தப்படும். இதற்காக புகையிலைப் பொருள்களின் விற்பனையை உரிய முறையில்கண்காணிப்பதற்காக புகையிலைச் சட்டத்தில் 6 புதிய விதிகள் சேர்க்கப்பட்டன. இந்த விதிகள் படிப்படியாக அமலுக்கு வரும்.

சிகரெட், பீடி போன்ற புகையிலைப் பொருள்களில் நிகோட்டின், தாரின் அளவு எத்தனை சதவீதம் உள்ளது என்பதை அதன் அட்டைப்பெட்டியின் மேலே தெளிவாக அச்சிடவேண்டும். அதனால் ஏற்படும் தீமைகளை விரிவாக தெரிவிக்க வேண்டும் என்ற இரு விதிகளும்அடுத்த ஆண்டு முதல் அமல்படுத்தப்படும் என்றார்.