திருவட்டார்: கட்டடம் இடிந்து 3 பெண்கள் சாவு

திருவட்டார்:

கன்னியாகுமரி மாவட்டம் திருவட்டார் அருகே கட்டடம் இடிந்து விழுந்து 3 பெண்கள் பரிதாபமாக பலியாயினர்.25 பேர் படுகாயம் அடைந்தனர்.

காட்டுக்காடு என்ற கிராமத்தில் முந்திரி பதப்படுத்தும் தொழிற்கூடம் உள்ளது. இந்தக் கட்டடத்தின் கூரை இன்றுதிடீரென இடிந்து விழுந்தது. இதில், தொழிற்கூடத்தில் பணியாற்றிக் கொண்டிருந்த 30க்கும் மேற்பட்டோர்இடிபாடுகளில் சிக்கினர்.

இதில் 3 பெண்கள் இடிபாடுகளில் பலத்த காயமடைந்து அந்த இடத்திலேயே பலியாயினர்.

தீயணைப்புப் படையினருக்குத் தகவல் தரப்பட்டு அவர்கள் விரைந்து வந்து உள்ளே சிக்கியிருந்த 28 பேரைமீட்டனர்.

பலத்த காயமடைந்த இவர்கள் திருவட்டார் மற்றும் நாகர்கோவில் அரசு மருத்துவமனைகளில்சேர்க்கப்பட்டுள்ளனர்.