ஜெ.வுக்கு பாராட்டுவிழா: ரஜினி பங்கேற்பாரா?

சென்னை:

முதல்வர் ஜெயலலிதாவுக்கு தமிழ்த் திரையுலகம் சார்பில் வருகிற 8ம் தேதி நடத்தப்படவுள்ள பாராட்டு விழாவில் நடிகர்ரஜினிகாந்தையும் பங்கேற்க வைக்க திரையுலகப் புள்ளிகள் முயற்சி மேற்கொண்டுள்ளனர்.

திருட்டு விசிடி பிரச்சினை உள்ளிட்ட தமிழ்த் திரையுலகின் பல்வேறு கோரிக்கைகளை ஏற்று சலுகைகளை வழங்கியுள்ளஜெயலலிதாவுக்கு தமிழ்த் திரையுலகம் சார்பில் பாராட்டு விழாவுக்கு ஏற்பாடு செய்யப்பட்டுள்ளது.

வருகிற 8ம் தேதி நேரு உள் விளையாட்டு அரங்கில் பாராட்டு விழா நடைபெறவுள்ளது. இதற்காக இயக்குநர் கே.பாலச்சந்தர்தலைமையிலான ஒருங்கிணைப்புக் குழு ஏற்பாடுகளை தீவிரமாக செய்து வருகிறது.

இந்த விழாவில் திரையுலகின் அனைத்து சங்கங்களையும் சேர்ந்தவர்கள், நடிகர், நடிகையர் கலந்து கொள்கின்றனர். இந்தபாராட்டு விழாவில் ரஜினி கலந்து கொள்வாரா என்ற சந்தேகம் இருந்து வருகிறது. இதற்கிடையே, ரஜினியையும் இந்த விழாவில்பங்கேற்க வைக்க ஏற்பாடுகள் நடந்து வருகிறது.

இயக்குநர் கே.பாலச்சந்தர் மூலம் ரஜினியையும் இந்த விழாவுக்கு இழுத்து வர திரையுலகினர் முயற்சித்து வருகின்றனர்.