காஷ்மீர்: குளோப்களில் சீன நிறுவனம் சில்மிஷம்

டெல்லி:

ஜம்மூ-காஷ்மீர் இல்லாத இந்திய வரைபடத்துடன் கூடிய குளோப்களை சீனாவில் இருந்து இறக்குமதி செய்யவோ, விற்கவோதடை விதிக்கப்பட்டுள்ளது.

சீனாவில் இருந்து பல்வேறு விளையாட்டுப் பொருட்கள், பொம்மைகள் இந்தியாவில் இறக்குமதி செய்யப்பட்டுவிற்கப்படுகின்றன.

இதில் சீனா மற்றும் ஹாங்காங்கில் தயாரிக்கப்பட்டு இந்தியாவில் விற்கப்படும் குளோப்களில் இந்திய வரைபடத்தில் காஷ்மீர்இல்லை. இது குறித்து சிபிஐ விசாரணைக்கும் உத்தரவிடப்பட்டுள்ளது.

இந் நிலையில் இந்த குளோப்களை இந்தியாவுக்குள் அனுமதிக்க வேண்டாம் என கஸ்டம்ஸ் துறைக்கு டெல்லி உயர் நீதிமன்றம்உத்தரவிட்டுள்ளது. அதே போல இந்த குளோப்களை இறக்குமதி செய்யவும் விற்கவும் தடை விதித்து நீதிமன்றம் உத்தரவிட்டது.