தனுஷ்-ஐஸ்வர்யா: கருணாநிதி வாழ்த்து

சென்னை:

நடிகர் ரஜினிகாந்த் மகள் ஐஸ்வர்யா, நடிகர் தனுஷ் திருமண வரவேற்பில் திரையுலக பிரபலங்கள் கலந்து கொண்டு மணமக்களைவாழ்த்தினர்.

ஐஸ்வர்யா-தனுஷ் திருமணம் கடந்த 18ம் தேதி ரஜினி வீட்டில் நடந்தது. அந்த நிகழ்ச்சியில் முதல்வர் ஜெயலலிதா,ரஜினி-கஸ்தூரிராஜா குடும்பத்தினர், உறவினர்கள் கலந்து கொண்டனர்.

அதன் பின்னர் நேற்று திருமண வரவேற்பு நிகழ்ச்சிகள் நடந்தன. காலையில் ஒரு வரவேற்பும், மாலையில் ஒரு வரவேற்பும்நடந்தது. காலையில் இரு தரப்பினரின் நண்பர்கள், உறவினர்கள் கலந்து கொண்டு மணமக்களை வாழ்த்தினர்.

மாலையில் திரையுலகினருக்காக வரவேற்பு நடத்தப்பட்டது. அதில் முக்கியப் பிரபலங்கள் பலர் கலந்து கொண்டனர். திமுகதலைவர் கருணாநிதி, இந்தி சூப்பர் ஸ்டார் அமிதாப் பச்சன், அவரது மனைவி ஜெயா பச்சன், திமுக துணைப் பொதுச் செயலாளர்மு.க.ஸ்டாலின், ஜனதாக் கட்சித் தலைவர் சுப்பிரமணியம் சுவாமி,

ஆந்திர முன்னாள் முதல்வர் சந்திரபாபு நாயுடு, நடிகர்கள் விக்ரம், பிரபு, அப்பாஸ், அவரது மனைவி, வடிவேலு, ப.சிதம்பரத்தின்மகன் கார்த்திக் சிதம்பரம் உள்ளிட்ட பலரும் கலந்து கொண்டனர்.

கருணாநிதி, அமிதாப்பச்சன் உள்ளிட்டோரின் கால்களில் விழுந்து தனுஷ் தம்பதியினர் வாழ்த்துக்கள் பெற்றுக் கொண்டனர்.