சூலம் சுமக்கும் சங்கராச்சாரியார்: ஹூசைனி சிலை!

சென்னை:

அன்றாட நிகழ்வுகள், சம்பவங்களை வைத்து கலைப் படைப்புகளை உருவாக்கி வரும் கராத்தே வீரர் ஹூசைனி இப்போது காஞ்சிசங்கராச்சாரியாவை வைத்து ஒரு சிலையை வடிவமைத்துள்ளார்.

ரத்தத்தில் முதல்வர் ஜெயலிதாவின் படத்தை வரைவது போன்ற சர்ச்சைக்குரிய படைப்புகளையும் உருவாக்கிய ஹூசைனி இப்போதுஜெயேந்திரர் விஷயத்திலும் மதரீதியிலான சர்ச்சைக்கு அடி போட்டிருக்கிறார்.

சங்கரராமன் கொலை வழக்கில் கைது செய்யப்பட்ட சங்கராச்சாரியார் மிகப் பெரிய சூலத்தை சிலுவை மாதிரி சுமப்பது போன்ற ஒருவெண்கலச் சிலையை வடிவமைத்துள்ளார் ஹூசைனி. இதில் சென்னை பெசன்ட் நகரில் உள்ள தனது சிற்பக் கூடத்தில் இதனைநிறுவியிருக்கிறார்.

சங்கராச்சாரியார் மீது பாரம் சுமத்தப்பட்டதாக உள்ள இந்தச் சிலை புயலைக் கிளப்பலாம் என்று எதிர்பார்க்கப்படுகிறது.