உலக அதிசய தேர்வு "டுபாக்கூரா"?

சென்னை:

உலக அதிசயங்களை தேர்வு செய்ய நடந்து வரும் இணைய தள வாக்கெடுப்பு கேலிக்கூத்தாக மாறியுள்ளது. இதனால் இந்த வாக்கெடுப்புஉண்மையானதா அல்லது மோசடி வேலையா என்ற சந்தகேம் மக்கள் மத்தியில் எழுந்துள்ளது.

சுவிட்சர்லாந்து நாட்டைச் சேர்ந்த பெர்னார்ட் வெப்பர் என்பவர் தலைமையிலான ஒரு அமைப்பு உலகின் புதிய 7 உலக அதிசயங்களைத்தேர்வுசெய்யும் பணியில் இறங்கியுள்ளது. இதற்காக ஒரு இணைய தளத்தையும் அவர்கள் தொடங்கியுள்ளனர்.

இதில் ஆரம்பத்தில் உலகின் 77 முக்கிய இடங்கள் இடம் பெற்றிருந்தன. இந்தியாவிலிருந்து தாஜ்மஹால், மதுரை மீனாட்சி அம்மன் கோவில்ஆகியவை இடம் பெற்றிருந்தன.

வாக்கெடுப்பில் தாஜ்மஹாலுக்கு 3வது இடமும், மீனாட்சி அம்மன் கோவிலுக்கு 26வது இடமும் கிடைத்துள்ளன. இந் நிலையில் புதிதாகபல இடங்கள் தற்போது இந்தப் பட்டியலில் சேர்க்கப்பட்டு, முக்கிய இடங்களின் எண்ணிக்கை 92 ஆக உயர்ந்துள்ளது.

தமிழகத்தில் உள்ள தஞ்சை பெரிய கோயில், மகாபலிபுரம், திருவண்ணமலை அருணாச்சலேஸ்வரர் கோவில், கன்னியாகுமரிதிருவள்ளுவர் சிலை, கேரளாவின் சபரிமலை உள்ளிட்ட பல இடங்கள் தற்போது இடம் பெற்றுள்ளன.

யார் வேண்டுமானாலும் புதிய இடத்தை பரிந்துரைக்கலாம் என்ற வசதியும் தற்போது இணைய தளத்தில் ஏற்படுத்தப்பட்டுள்ளதால், பலரும்சகட்டு மேனிக்கு தங்களது விருப்பத்தை பரிந்துரை செய்து வருகின்றனர். இதனால் பட்டியல் நீண்டு கொண்டே போகிறது.