பொங்கலுக்காக 5 காட்சிகள்!

பொங்கல் பண்டிகையையொட்டி தமிழகத் திரையரங்குகளில் ஒரு நாளைக்கு 5 காட்சிகள் வரை திரையிட தமிழக அரசு அனுமதித்துள்ளது.

பொங்கல் தினமான நாளை 10க்கும் மேற்பட்ட புதிய படங்கள் ரிலீஸ் ஆகின்றன.

திருட்டு விசிடி கட்டுப்படுத்தப்பட்ட நிலையில் புதிய படங்களைப் பார்க்க திரையரங்குகளுக்கு அதிக மக்கள் வருவார்கள் என்ற எதிர்பார்ப்பில் கூடுதல்காட்சிகளுக்கு தமிழக அரசு அனுமதி அளித்துள்ளது.

இதன்படி ஜனவரி 14ம் தேதி முதல் 20ம் தேதி வரை திரையரங்குகளில் தற்போது திரையிடப்படும் காட்சிகளுடன் (4 காட்சிகள்) கூடுதலாக ஒரு காட்சிஎன மொத்தம் 5 காட்சிகள் வரை படங்களை திரையிடலாம் என அரசு அறிவித்துள்ளது.

நாளை சத்யராஜின் அய்யர் ஐ.பி.எஸ், சரத்குமாரின் ஐயா, கார்த்திக்கின் மனதில், விஜய்யின் திருப்பாச்சி, பிரஷாந்த்தின் ஆயுதம், தனுஷின் தேவதையைக் கண்டேன்உள்ளிட்ட 10 படங்கள் வெளியாகின்றன.