தாமரைக்கனி மருத்துவமனையில் அனுமதி

சென்னை:

முன்னாள் எம்.எல்.ஏ. தாமரைக்கனி சிறுநீரக கோளாறு காரணமாக சென்னை ராமச்சந்திரா மருத்துவமனையில்அனுமதிக்கப்பட்டுள்ளார்.

ஸ்ரீவில்லிபுத்தூர் சட்டசபைத் தொகுதி முன்னாள் உறுப்பினர் தாமரைக்கனி சர்க்கரை வியாதி காரணமாக அவதிப்பட்டு வருகிறார்.இதனால் அவருக்கு சில நாட்களாக பல்வேறு உடல் உபாதைகள் ஏற்பட்டன. சிறு நீர் சரியாக பிரியாமல் கஷ்டப்பட்டு வந்தார்.

இந் நிலையில் இரு சிறுநீரகங்களும் சரியாக இயங்கவில்லை. இதைத் தொடர்ந்து சென்னைக்கு கொண்டு வரப்பட்ட அவர்போரூரில் உள்ள ராமச்சந்திரா மருத்துவமனையில் அனுமதிக்கப்பட்டார். அங்கு அவருக்கு டயாலிசிஸ் செய்யப்பட்டு வருகிறது.

டாக்டர் சுந்தரராஜன் தலைமையிலான மருத்துவர் குழு தாமரைக்கனிக்கு சிகிச்சை அளித்து வருவதாக மருத்துவமனைவட்டாரங்கள் தெரிவித்தன.