வாழப்பாடி பிறந்த நாள்: காங்., பாஜக கொண்டாட்டம்

சென்னை:

முன்னாள் மத்திய அமைச்சர் வாழப்பாடி ராமமூர்த்தியின் பிறந்த நாளை காங்கிரஸாரும், பாஜகவினரும் கொண்டாடினர்.

மறைந்த மத்திய அமைச்சர் வாழப்பாடி ராமமூர்த்தியின் 65வது பிறந்த நாள் நேற்று கொண்டாடப்பட்டது. காங்கிரஸ் தலைமைஅலுவலகமான சத்தியமூர்த்தி பவனில் எம்.எல்.ஏ. ஜெயக்குமார் உள்ளிட்டோர் ராமமூர்த்தியின் படத்துக்கு மாலை அணிவித்துமரியாதை செலுத்தினர்.

ராஜாஅண்ணாமலைபுரத்தில் உள்ள ராஜீவ் அறக்கட்டளை அலுவலகத்தில் உள்ள வாழ்ப்பாடியாரின் சிலைக்கு அவரது மகனும்பாஜக இளைஞர் அணி செயலாளருமான ராம. சுகந்தன், அகில இந்திய பாஜக செயலாளர் இல.கணேசன், மாநிலத் தலைவர்சி.பி.ராதாகிருஷ்ணன் உள்ளிட்ட பாஜகவினர் மாலை அணிவித்து அஞ்சலி செலுத்தினர்.

வாழப்பாடி ராமமூர்த்திக்கு சிலை வைக்க வேண்டும் என்றும் நினைவு தபால் தலை வெளியிட வேண்டும் என்றும் கூட்டத்தில்பேசியவர்கள் கோரிக்கை விடுத்தனர்.

பெரியார், அண்ணா போல ஒன்றுக்கும் மேற்பட்ட கட்சியினரால் கொண்டாடப்படும் தலைவராக வாழப்பாடியார் மாறியிருப்பதுகுறிப்பிடத்தக்கது.