ஆஸ்திரேலிய ஒபன் டென்னிஸ்: 3வது சுற்றில் சானியா

மெல்பர்ன்:

ஆஸ்திரேலிய ஒபன் டென்னிஸ் போட்டியின் 2வது சுற்றில் ஹங்கேரியின் பெட்ரா மன்டூலாவை வீழ்த்தி இந்தியாவின் சானியா மிர்சா3வது சுற்றுக்கு முன்னேறினார்.

முதல் சுற்றில் ஆஸ்திரேலியாவின் சிண்டி வாட்சனை வீழ்த்திய சானியா, 2வது சுற்றில் பெட்ரா மன்டூலாவை எதிர் கொண்டார்.இப்போட்டியில் 6-2, 6-1 என்ற நேர் செட்களில் எளிதாக வெற்றி பெற்ற சானியா 3வது சுற்றுக்கு முன்னேறினார்.

ஷரபோவா வெற்றி:

மற்றொரு போட்டியில் ரஷ்யாவின் மரியா ஷரபோவா, பல்கேரியாவின் செசில் கராடன்ட்செவாவை 6-3, 6-1 என்ற நேர் செட்களில்தோற்கடித்தார்.

ரஷ்யா வீராங்கனைகள் ஸ்வெட்லானா கஸ்னட்சோவா 6-1, 6-1 என்ற செட்களில் அமெரிக்காவின் ஜெசிகா கிர்க்லான்டையும், நாதியாபெட்ரோவா 6-1, 6-2 என்ற செட்களில் விர்ஜின் ரஸானோவையும், வெரா ஜூவோனரிவா 6-4, 6-2 என்ற செட்களில் சீனாவின் லுநன்னனையும் தோற்கடித்தனர்.

அமெரிக்காவின் செரினா வில்லியம்ஸ் 6-1, 6-1 என்ற நேர் செட்களில் பிரான்சின் கேமிலி பின்னையும், பிரான்சின் மவுரிஸ்மோ 6-2,6-3 என்ற செட்களில் ஆஸ்திரேலியாவின் சமந்தாவையும் தோற்கடித்து 2வது சுற்றுக்கு முன்னேறினர்.

பெடரர் வெற்றி:

ஆண்கள் ஒற்றையர் பிரிவில் உலகின் முதல்நிலை வீரரான சுவிட்சர்லாந்தின் ரோஜர் பெடரர், பிரான்சின் பாப்ரிஸ் சான்டிரோவை 6-1, 6-1,6-2 என்ற செட்களில் வீழ்த்தினார்.

அமெரிக்காவின் ஆந்த்ரே அகாசி 6-4, 6-3, 6-0 என்ற நேர் செட்களில் ஜெர்மனியின் தியதர் கைன்ட்மேனை வீழ்த்தினார்.

மோயா அதிர்ச்சி தோல்வி:

ஆண்கள் பிரிவில் ஸ்பெயினின் கார்லஸ் மோயா அதிர்ச்சி தோல்வியடைந்தார். இவர் 5-7, 3-6, 6-3, 3-6 என்ற செட்களில் சகநாட்டவரான கில்லர்மோ கார்சியா லோபசிடம் தோல்வி அடைந்தார். அதேபோல் பெண்கள் பிரிவில் ஜப்பானின் சுகியாமாவும்,பிரான்சின் மேரி பியர்சும் அதிர்ச்சி தோல்வியடைந்தனர்.