2004ம் ஆண்டின் சிறந்த வீரர் விருது பெற்ற பதான்

லண்டன்:

2004ம் ஆண்டின் சிறந்த விளையாட்டு வீரர் விருது இந்திய கிரிக்கெட் வீரர் இர்பான் பதானுக்கு வழங்கப்பட்டது.

விளையாட்டுத்துறையில் கடந்த ஆண்டு சாதனை புரிந்தவர்களைத் தேர்வு செய்து விருது வழங்கும் விழா, லண்டனில் நடைபெற்றது.சோனி தொலைக்காட்சி நிறுவனம் சார்பில் வழங்கப்படும் இந்த விருது வழங்கப்படுகிறது.

லண்டன், ஹில்டன் ஓட்டலில் நடைபெற்ற இந்த விழாவில் 2004ம் ஆண்டின் மிகச்சிறந்த விளையாட்டு வீரராக இந்திய கிரிக்கெட்அணியின் வேகப்பந்து வீச்சாளர் இர்பான் பதான் தேர்வு செய்யப்பட்டார்.

அவருடன் போட்டியில் இலங்கை கிரிக்கெட் வீரர் முத்தையா முரளிதரன், கோல்ப் விளையாட்டு வீரரான பிஜி நாட்டின் விஜய் சிங்ஆகியோர் இருந்தனர். இறுதியில் இந்த விருதை பதான் தட்டிச் சென்றார் இர்பான்.

ஆஸ்திரேலியா, பாகிஸ்தான், வங்கதேசம் நாடுகளுக்கு எதிரான கிரிக்கெட் தொடர்களில் சிறப்பாக விளையாடியதைப் பாராட்டி இந்தவிருது வழங்கப்படுவதாக அறிவிக்கப்பட்டது. விருதினை வாங்க பதான் வராததால், அவரது சார்பில் இந்தியாவைச் சேர்ந்த பாடகரானராகவ் விருதைப் பெற்றுக் கொண்டார்.

வாழ்நாள் சாதனையாளர் விருது இந்திய கிரிக்கெட் அணியின் முன்னாள் வீரர் பரூக் இஞ்ஜினியருக்கு (67) வழங்கப்பட்டது.