குல தெய்வம் கோவிலில் தனுஷ்-ஐஸ்வர்யா

தேனி:

தேனி மாவட்டம் மல்லிங்காபுரத்தில் உள்ள தனது குல தெய்வம் கோவிலுக்கு மனைவி ஐஸ்வர்யாவுடன் வந்த தனுஷ் பயபக்தியுடன் சாமி கும்பிட்டார்.

தனுஷின் தந்தை இயக்குனர் கஸ்தூரி ராஜாவின் சொந்த ஊர் மல்லிங்காபுரம். இந்த ஊருக்கு அருகே உள்ளமுத்துரங்காபுரத்தில்தான் அவர்களது குல தெய்வமான கஸ்தூரி மங்கம்மாள் ஆலயம் உள்ளது.

திருமணத்திற்குப் பின்னர் மனைவி ஐஸ்வர்யாவுடன், தனுஷ் முதன் முறையாக இன்று தனது குல தெய்வம் கோவிலுக்கு வந்தார்.தம்பதிகள் சிறப்புப் பூஜைகள் நடத்தினர்.

பின்னர் தேனி சென்ற தனுஷ்-ஐஸ்வர்யா அங்குள்ள கிருஷ்ணா தியேட்டர் காம்பளக்ஸை சுற்றிப் பார்த்தனர். இந்ததியேட்டரைத்தான் சமீபத்தில் தனுஷ் வாங்கினார் என்பது குறிப்பிடத்தக்கது.