சென்னை: குடியரசு தின விழா ஒத்திகை

சென்னை:

சென்னையில் குடியரசு தின விழா ஒத்திகை நிகழ்ச்சி இன்று நடந்தது.

26ம் தேதி குடியரசு தினத்தையொட்டி கடற்கரை காமராஜர் சாலையில் வண்ணமிகு அணிவகுப்பு நிகழ்ச்சி நடக்கவுள்ளது. இந் நிகழ்ச்சியைஆளுநர் பர்னாலா, முதல்வர் ஜெயலலிதா, அமைச்சர்கள் உள்ளிட்டோர் பார்வையிடவுள்ளனர்.

சுனாமி தாக்குதல் தொடர்பாக நிலவி வரும் சோகத்தைக் கருத்தில் கொண்டு இந்த ஆண்டு மிகவும் எளிமையான முறையில் குடியரசு தினவிழா கொண்டாடப்படவுள்ளது.

குடியரசு தின விழா அணிவகுப்பு ஒத்திகை இன்று காலை காமராஜர் சாலை டிஜிபி அலுவலகம் முன் நடந்தது. முப்படையினர், மாணவ,மாணவியர் கலந்து கொண்ட அணிவகுப்பும் நடத்தப்பட்டது. அரசின் சாதனைகளை விளக்கும் பல்வேறு வகையான காட்சி வாகனங்களும்அணிவகுப்பில் கலந்து கொண்டன.

குடியரசு தினத்தையொட்டி சென்னை நகரில் பலத்த பாதுகாப்பு மேற்கொள்ளப்பட்டுள்ளது.

இந்த ஒத்திகை நிகழ்ச்சியை மாநகர காவல்துறை ஆணையர் நடராஜ் பார்வையிட்டார்.