இந்திக்கு எதிராக அதிமுக போராட்டம்

சென்னை:

மைல் கற்களில் இந்தித் திணிப்பை எதிர்த்து அதிமுக மாணவர் அணி சார்பில் தமிழகம் முழுவதும் இன்று போராட்டம் நடத்தப்பட்டது.

இந்தி எதிர்ப்புப் போராட்டத்தில் கலந்து கொண்டு உயிர் நீத்த மொழிப் போர் தியாகிகளுக்கு வீர வணக்கம் செலுத்தும் வகையில் அதிமுகசார்பில் இன்று தமிழகம் முழுவதும் வீர வணக்க நாள் அனுசரிக்கப்படுகிறது.

அத்தோடு தமிழகத்தில் மைல் கற்களில் இந்தியில் பெயர்கள் எழுதப்படுவதை எதிர்த்தும் ஆர்ப்பாட்டங்கள் நடத்தப்பட்டன.

சென்னையில் பச்சையப்பன் கல்லூரி, நந்தனம் கலைக் கல்லூரி ஆகிய இடங்களில் அதிமுக மாாணவர் அணியினர் ஆர்ப்பாட்டம்செய்தனர்.

இதேபோல மதுரையில் அதிமுக மாணவர் அணி மாநிலச் செயலாளர் வி.பி.கலைராஜன் முன்னிலையில் ஆர்ப்பாட்டம் நடத்தப்பட்டது.