தமிழகத்தில் இன்று கடையடைப்பு போராட்டம்

சென்னை:

லாரிகளுக்கு சேவை வரி விதிப்பதை எதிர்த்து தமிழகத்தில் ஒரு பிரிவு வியாபாரிகள் இன்று கடையடைப்புப் போராட்டம் நடத்துகின்றனர்.

இந்தப் போராட்டத்தில் தமிழ்நாடு வணிகர் சங்கங்களின் பேரவை கலந்து கொள்ளவில்லை. இது தொடர்பாக பேரவையின் தலைவர்வெள்ளையன் வெளியிட்டுள்ள அறிக்கையில்,

லாரிகளுக்கு விதிக்கப்படும் சேவைக் கட்டணத்தை எதிர்த்து கடையடைப்புச் செய்ய தமிழ்நாடு தொழில் வர்த்தகர் சங்கம் அறிவித்துள்ளது.இதில் எங்களது அமைப்பு கலந்து கொள்ளாது.

எங்களது பேரவையில் 5000க்கும் மேற்பட்ட வணிகர் சங்கங்கள் உறுப்பினர்களாக உள்ளனர். இதில் இடம் பெற்றுள்ள உறுப்பினர்கள்யாரும் கடையடைப்புப் போராட்டத்தில் கலந்து கொள்ள மாட்டார்கள்.

எனவே கடைகள் அனைத்தும் வழக்கம் போல செயல்படும் என்று அவர் கூறியுள்ளார்.