15க்கு 20!

சென்னை:

15 நிமிடம் பலான படம் பார்க்க ரூ. 20 வசூலித்து வந்த பிரவுசிங் சென்டர் உரிமையாளரை போலீஸார் கைது செய்தனர்.

சென்னை ஓட்டேரி ராமன் தெருவில் மகேஷ் என்பவர் இன்டர்நெட் மையம் வைத்து நடத்தி வருகிறார். இங்கு இளைஞர்கள், மாணவர்களுக்கு ஆபாச படம் போட்டுக் காட்டப்படுவதாக போலீஸாருக்குத் தகவல் வந்தது.

இதையடுத்து ஓட்டேரி போலீஸார் படையுடன் சென்று மையத்தை சோதனையிட்டனர். அங்கு இன்டர்நெட் மூலம் ஆபாசப் படங்களை டெளன்லோட் செய்து, கால் மணி நேரத்திற்கு ரூ. 20 என்ற சலுகை கட்டணத்தில் பிட் ஓட்டியுள்ளார்.

இதையடுத்து மகேஷை போலீஸார் கைது செய்தனர். மையத்தில் இருந்த கம்ப்யூட்டர்கள், மோடம் உள்ளிட்ட அனைத்தும் பறிமுதல் செய்யப்பட்டது. மையமும் சீல் வைக்கப்பட்டது.