மதுரை பல்கலை துணைவேந்தராக மருதமுத்து நியமனம்

சென்னை:

மதுரை காமராஜர் பல்கலைக்கழகத் துணைவேந்தராக சென்னை பல்கலைக்கழக பேராசிரியர் டாக்டர் மருதமுத்து நியமிக்கப்பட்டள்ளார்.

இதுதொடர்பாக ஆளுநர் மாளிகை வெளியிட்ட செய்திக் குறிப்பில், சென்னை பல்கலைக்கழக எரிசக்தித் துறை தலைவராக உள்ள டாக்டர்பி.மருதமுத்து மதுரை காமராஜர் பல்கலைக்கழக துணைவேந்தராக நியமிக்கப்பட்டுள்ளார்.

பதவியேற்ற நாளிலிருந்து 3 ஆண்டு காலம் அவர் அப்பொறுப்பில் இருப்பார் என கூறப்பட்டுள்ளது.

பல்கலைக்கழகத்தின் தற்போதைய துணைவேந்தரான பேராசியர் பி.கே.பொன்னுச்சாமி ஓய்வு பெறுகிறார். இவர் சென்னைபல்கலைக்கழகத் துணைவேந்தராக இருந்தவர். அவரது மகன் நாவரசு, ராகிங் கொடுமைக்குப் பலியானவர் என்பது நினைவிருக்கலாம்.