ஆஸ்திரேலியா, இந்தோனேஷியாவில் நிலநடுக்கம்

சிட்னி:

இந்தோனேஷியா, ஆஸ்திரேலியா, ஆப்கானிஸ்தான், பாகிஸ்தான் என பல இடங்களிலும் நேற்று சக்தி வாய்ந்த நிலநடுக்கம் ஏற்பட்டது.

இந்தோனேஷியாவின் கிழக்கு நியுசா டென்கரா, அம்போன் ஆகிய பகுதிகளிலும் ஆஸ்திரேலியாவில் டார்வின் நகரிலும் இந்த நிலநடுக்கம் ஏற்பட்டது.

பாண்டா அருகே கடலுக்கு அடியில் 195 கி.மீ. ஆழத்தில் ஏற்பட்ட இந்த நில நடுக்கம் ரிக்டர் அளவுகோளில் 6.5 என்ற அளவுக்குப்பதிவாகியுள்ளது. இது 7.2 என்ற அளவில் இருந்ததாகவும் செய்திகள் வருகின்றன.

இதே போல நேற்று ஆப்கானிஸ்தானின் இந்துகுஷ் மலைத் தொடரிலும் பாகிஸ்தானின் சில பகுதிகளிலும் 5.5 என்ற ரிக்டர் அளவுக்கு நிலநடுக்கம் ஏற்பட்டது.

இதனால் உயிர்ச் சேதம் ஏதும் ஏற்படவில்லை.