யுஎஸ்சுக்கு ஜெட் ஏர்வேஸ் கூடுதல் விமானங்கள்

மும்பை:

இந்தியாவிலிருந்து சிகாக்கோ, சான்பிரான்சிஸ்கோ நகர்களுக்கு பிரான்ஸ் வழியாக விமானங்களை இயக்க ஜெட் ஏர்வேஸ்நிறுவனம் முடிவு செய்துள்ளது.

இதற்காக காண்டினெண்டல் ஏர்லைன்ஸ் மற்றும் யுனைடட் ஏர்லைன்சுடன் இந் நிறுவனம் பேச்சுவார்த்தை நடத்தி வருகிறது.

முதல்கட்டமாக மும்பையில் இருந்து நியூயார்க்குக்கு 2 மாதங்களில் விமான சேவையை ஜெட் ஏர்வேஸ் தொடங்குகிறது. இதைத்தொடர்ந்து சிகாக்கோ, சான்பிரான்சிஸ்கோ, ஹூஸ்டன், டல்லஸ் ஆகிய நகர்களுக்கும் விமானங்களை இயக்கத்திட்டமிட்டுள்ளது.

இத் தகவலை ஜெட் ஏர்வேஸ் நிறுவன தலைமை இயக்குனர் உல்ப்கேங் புரோக் ஷெயுர் மும்பையில் தெரிவித்தார்.

செளத் ஆப்ரிக்கன் ஏர்வேஸ் நிறுவனத்திடம் இருந்து 3 ஏர்பஸ் 340 விமானங்களை குத்தகைக்கு எடுக்கவுள் ஜெட் ஏர்வேஸ்,அடுத்த மாதம் முதல் லண்டனுக்கு நேரடி விமான சேவையைத் தொடங்கவுள்ளது.

மேலும் பிரஸ்ஸல்சுக்குப் பதிலாக பிரான்ஸ் வழியாக அதிக விமானங்களை இயக்க காண்டினெண்டல் மற்றும் யுனைடட்ஏர்லைன்சுடன் பேச்சு நடத்தி வருகிறது.

அடுத்த மாதம் முதல் சிங்கப்பூர், கோலாலம்பூருக்கு நேரடி விமானங்களையும் விரைவில் ஹாங்காங், பாங்காக்குக்குவிமானங்களை இயக்கவும் ஜெட் ஏர்வேஸ் திட்டமிட்டுள்ளது.