சென்னை- கோலாலம்பூர் ஏர்-இந்தியா விமானம் ரத்து!

சென்னை:

ஏர்-இந்தியா நிறுவன ஊழியர்களின் வேலை நிறுத்தத்தால் நேற்று நள்ளிரவு சென்னையிலிருந்து கோலாலம்பூர் செல்லவேண்டியஏர்-இந்தியா விமானம் ரத்து செய்யப்பட்டது.

மும்பையில் ஏர்-இந்தியா நிறுவன ஊழியர்கள் கடந்த சில தினங்களாக வேலை நிறுத்தத்தில் ஈடுபட்டு வருகின்றனர். இதனால்மும்பையிலிருந்து புறப்பட வேண்டிய சில விமானங்கள் தாமதமாக புறப்பட்டு செல்கின்றன.

இந் நிலையில் சென்னையிலிருந்து நேற்று நள்ளிரவு 2 மணிக்கு கோலாலம்பூர் புறப்பட்டு செல்ல வேண்டிய ஏர்-இந்தியாவிமானம் ரத்து செய்யப்பட்டது. மும்பையிலிருந்து வரவேண்டிய இந்த விமானம் வராததால் இன்று அதிகாலை 2 மணிக்குபுறப்பட்டு செல்ல வேண்டிய கோலாலம்பூர் விமானம் ரத்து செய்யப்பட்டுள்ளதாக விமான நிலைய அதிகாரி ஒருவர் தெரிவித்தார்.

இந்த விமானத்தில் முன்பதிவு செய்திருந்த 150 பயணிகளும் சென்னையில் ஓட்டல்களில் தங்க வைக்கப்பட்டுள்ளனர்.