கும்மிடிப்பூண்டி: வைகோ, ப.சி, இளங்கோவன், சரத்குமார் பிரசாரம்

கும்மிடிப்பூண்டி:

கும்மிடிப்பூண்டி தொகுதியில் திஞிஞ்க சார்பில் போட்டியிடும் வெங்கடாசலபதிக்கு ஆதரவாக இன்று முதல் திமுக கூட்டணியைச்சேர்ந்த தலைவர்கள் தீவிரப் பிரசாரத்தைத் தொடங்குகிறார்கள்.

மதிமுக பொதுச் செயலாளர் வைகோ தனது பிரசாரத்தை இன்று மாலை 4 மணியளவில் தொடங்குகிறார். கன்னிகைப்பேர் என்றஇடத்தில் பிரசாரத்தைத் தொடங்கும் வைகோ மாதர்பாக்கத்தில் நடக்கும் பொதுக் கூட்டத்துடன் முடிக்கிறார்.

தொடர்ந்து, 5ம் தேதி, 8ம் தேதி ஆகிய நாட்களிலும் கும்மிடிப்பூண்டி தொகுதிக்குட்பட்ட பகுதிகளில் வைகோ பிரசாரம்செய்யவுள்ளார்.

நடிகர் சரத்குமார் 4ம் தேதி மாலை 3 மணியளவில் தனது பிரசாரத்தை வாணியஞ்சத்திரம் என்ற இடத்தில் தொடங்குகிறார். 2நாட்களுக்கு அவர் இத்தொகுதியில் தீவிர பிரசாரம் செய்கிறார்.

திமுக பொதுச் செயலாளர் அன்பழகன் 6ம் தேதி இரவு 7 மணியளவில் பெரியபாளையம் பொதுக் கூட்டத்திலும், 9 மணியளவில்கும்மிடிப்பூண்டியில் நடைபெறும் பொதுக் கூட்டத்திலும் கலந்து கொண்டு வாக்கு சேகரிக்கிறார்.

மத்திய நிதியமைச்சர் ப.சிதம்பரம் 7ம் தேதி கன்னிகைப்பேரில் தொடங்கி இரவு 9 மணியளவில் கும்மிடிப்பூண்டியில் பிரச்சாரத்தைமுடிக்கிறார். அங்கு நடைபெறும் பொதுக் கூட்டத்திலும் சிதம்பரம் பேசுகிறார்.

8ம் தேதி மத்திய அமைச்சர் இளங்கோவன் பிரசாரம் மேற்கொள்கிறார். வெங்கல் மற்றும் ஊத்துக் கோட்டை பொதுக் கூட்டங்களில்அவர் பேசுகிறார்.