தார் ரோட்டில் ஓடிய "பீர் ஆறு"!

தர்மபுரி:

அரசு மது பான லாரி சாலையில் கவிழ்ந்ததால், அதில் இருந்த பீர் பாட்டில்கள் உடைந்து, சாலையில் ஆறு போல பீர் ஓடியது.

தர்மபுரி மாவட்ட அரசு மதுபான கிட்டங்கியிலிருந்து ரூ. 8 லட்சம் மதிப்புள்ள பீர் மற்றும் பிராந்தி பாட்டில்கள் அடங்கியபெட்டிகள் சந்தூர் என்ற ஊருக்குக் கொண்டு செல்லப்பட்டது.

சந்தூர் அரசு டாஸ்மாக் மதுபானக் கடையில் சரக்கை சிறிது இறக்கி விட்டு போச்சம்பள்ளியில் உள்ள கடைக்கு லாரி கிளம்பியது.வெப்பாலம்பட்டி என்ற இடத்தில் லாரி சென்றபோது, எதிர்பாராதவிதமாக சாலையில் கவிழ்ந்தது. இதில் லாரியில் இருந்த பீர்மற்றும் பிராந்தி பாட்டில்கள் உடைந்து, சாலையில் ஓடியது.

ரூ. 1.5லட்சம் மதிப்புள்ள பாட்டில்கள் உடைந்து போயின. போலீஸார் விரைந்து வந்து விசாரணை மேற்கொண்டு லாரியைஅங்கிருந்து அப்புறப்படுத்தினர்.