பொதுக்கூட்டத்தில் பேச பழ. நெடுமாறனுக்கு உயர்நீதிமன்றம் அனுமதி

சென்னை:

பழ. நெடுமாறனுக்கு பொதுக்கூட்டத்தில் பேச சென்னை உயர்நீதிமன்றம் அனுமதி வழங்கி உத்தரவிட்டுள்ளது.

தமிழர் தேசிய இயக்கத் தலைவர் பழ. நெடுமாறன் மற்றும் சுப. வீரபாண்டியன் ஆகிய இருவரும் பொடா சட்டத்தின் கீழ் கைதுசெய்யப்பட்டிருந்தனர். பின்னர் அவர்கள் இருவரும் பொதுக்கூட்டங்களில் பேசக்கூடாது என்ற நிபந்தனையுடன் ஜாமீனில்விடுதலை செய்யப்பட்டனர்.

இந் நிலையில் உலகத் தமிழ் கூட்டமைப்பு சார்பில் வருகிற 30ம் தேதி நாகர்கோவிலில் ஒரு பொதுக்கூட்டம் நடைபெறுகிறது.இந்தக் கூட்டத்தில் பேச தங்களுக்கு அனுமதி வழங்க வேண்டும் என்று பழ. நெடுமாறனும், சுப. வீரபாண்டியனும் சென்னைஉயர்நீதிமன்றத்தில் மனு தாக்கல் செய்திருந்தனர்.

இந்த மனு மீதான விசாரணை இன்று நீதிபதிகள் என். தினகர், சொக்கலிங்கம் ஆகியோர் முன்னிலையில் நடந்தது. அப்போதுநாகர்கோவில் பொதுக்கூட்டத்தில் பழ. நெடுமாறனும், சுப வீரபாண்டியனும் பங்கேற்கலாம் என்று நீதிபதிகள் உத்தரவிட்டனர்.