அழகிரியை 100 கிமீ வெளியேற்ற வேண்டும்-அதிமுக

சென்னை:

முதல்வர் கருணாநிதியின் மகன் மு.க.அழகிரியை மதுரை மத்திய தொகுதியிலிருந்து 100 கி.மீ தொலைவுக்குஅப்புறப்படுத்த வேண்டும் என தலைமைத் தேர்தல் அதிகாரி நரேஷ் குப்தாவுக்கு அதிமுக கோரிக்கைவிடுத்துள்ளது.

இதுதொடர்பாக நரேஷ் குப்தாவுக்கு அதிமுக தேர்தல் பிரிவு செயலாளர் ஓ.பன்னீர் செல்வம் அனுப்பியுள்ளகடிதத்தில், மு.க.அழகிரியும், அவரது ஆதரவாளர்களும் மதுரை மத்திய தொகுதியில் பல்வேறு முறைகேடுகளில்ஈடுபட்டு வருகிறார்கள். வாக்காளர்களுக்கு பணம் கொடுத்து வருகின்றனர். அதிமுகவினர் மீது வன்முறையைஏவி வருகின்றனர்.

அழகிரியை மதுரையை விட்டு அப்புறப்படுத்தி 100 கிலோமீட்டர் தொலைவுக்கு அனுப்ப வேண்டும். அதேபோலஅழகிரியின் கூட்டாளிகளான சூடம் மணி, முபாரக் மந்திரி உள்ளிட்டோரை வேறு திசையில் 100 கிலோமீட்டர்தொலைவுக்கு அப்பால் கொண்டு செல்ல வேண்டும்.

அதிமுக வேட்பாளர் ராஜன் செல்லப்பா மீதான தாக்குதலுக்கு அழகிரிதான் காரணம். ஆனால் அவர் மீதுஇதுவரை மதுரை போலீஸார் வழக்குப் பதிவு செய்யவில்லை. தேர்தலில் வெற்றி பெறுவதற்காக எதையும் செய்யதிமுக தயாராக உள்ளது.

வாக்காளர்களுக்கு பணம் கொடுத்த திமுகவினர் குறித்து ஆதாரப்பூர்வமாக அதிமுகவினர் புகார் கொடுத்தும்அவர்கள் மீது போலீஸார் நடவடிக்கை எடுக்கவில்லை. மாறாக அதிமுகவினர் மீதே வழக்குப் போட்டுவருகின்றனர்.

அழகிரி மதுரை மத்திய தொகுதியில் இருக்கும் வரை அங்கு இடைத் தேர்தல் முறையாகவும், அமைதியாகவும்,நியாயமாகவும் நடைபெறுவதற்கு வாய்ப்பில்லை. குண்டர் படையுடன் தொகுதிக்குள் சுற்றி வரும் அழகிரியைமுதலில் அங்கிருந்து வெளியேற்றினால்தான் தேர்தலை அமைதியாக நடத்த முடியும்.

மேலும் மதுரை மத்திய தொகுதி தேர்தல் பார்வையாளர் சஞ்சீவ் குமாரும், மதுரை மாநகர காவல்துறை ஆணையர்சிதம்பரச்சாமி ஆகியோரும் திமுகவுக்கு ஆதரவாக செயல்பட்டு வருகிறார்கள். எனவே இவர்கள் இருவரையும்உடனடியாக மாற்ற வேண்டும்.

அதேபோல மதுரை மத்திய தொகுதிக்குள் உள்ள அனைத்து கல்யாண மண்டபங்களையும் பூட்டி அவற்றின்சாவிகளை தலைமைத் தேர்தல் அதிகாரி நரேஷ்குப்தாவிடம் ஒப்படைக்கவும் காவல்துறைக்கு உத்தரவிடவேண்டும் என்று கூறியுள்ளார் ஓ.பன்னீர் செல்வம்.

மதுரையில் அதிமுக சார்பில் தினகரனும் ஓ.பன்னீர்செல்வமும் முற்றுகையிட்டு கரன்சி மழையை கொட்டிக்கொண்டுள்ளனர். அவர்களை சமாளிக்க அழகிரி தனது ஆட்களையும் படையையும் இறக்கிவிட்டுள்ளார் என்பதுகுறிப்பிடத்தக்கது.