அன்டார்டிகா சிகரம் மீது ஏறி ஆஸி. குழு சாதனை

கான்பெரா:ஆஸ்திரேலியாவைச் சேர்ந்த நான்கு பேர் அடங்கிய குழுவினர், அன்டார்டிகாவின்உயரமான சிகரமான வின்ஸன் மாஸிப்பின் உச்சியை அடைந்து புதிய சாதனைபடைத்துள்ளனர்.

பனிக் கண்டமான அன்டார்டிகாவின் உயரமான சிகரம் வின்ஸன் மாசிப். இதன்உச்சியை ஆஸ்திரேலிய நாட்டுக் குழு ஒன்று அடைந்துள்ளது. இந்த சிகரத்தின் உயரம்4892 மீட்டர் ஆகும்.

எவரஸ்ட் சிகரத்தில் ஏறிய அனுபவம் கொண்ட டங்கன் செஸ்ஸல் என்பவரதுதலைமையில் இந்தக் குழுவினர் நேற்று வின்ஸன் சிகரத்தின் உச்சியை அடைந்தனர்.இதற்கு அவர்களுக்கு ஒரு மாதம் பிடித்தது.

தங்களது பயணத்தின் நிறைவு குறித்து செஸ்ஸல் கூறுகையில், கிட்டத்தட்ட 300கிலோமீட்டர் தொலைவுக்கு நாங்கள் பனிக் கட்டிகளிடையே நடந்து வந்து மலைச்சிகரத்தை அடைந்துள்ளோம். மலை உச்சியின் மீது ஏறி நின்று நாங்கள் நடந்து வந்தபனிப் பாதையைப் பார்த்தது மிகப் பெரிய சாதனையாக இருந்தது.

சிகரத்தின் உச்சியிலிருந்து 1100 கிலோமீட்டர் தொலைவிலான தென் துருவத்தைப்பார்த்தது மிகப் பெரிய அனுபவமாக இருந்தது. மிகவும் ரம்யமாக இருந்தது.

செஸ்ஸலுடன் ஆஸ்திரேலியாவைச் சேர்ந்த மலையேற்றக் குழுவினரான பீட்டர் வீக்ஸ்,ராபர்ட் ஜேக்சன், ராபர்ட் நார்த் ஆகியோரும் இந்தக் குழுவில் இடம்பெற்றிருந்தனர்.

இந்த சிகரத்தை அடைய 1200 மீட்டர் அளவுக்கு செங்குத்தாக ஏற வேண்டியிருந்தது.இந்த மலைப் பகுதியின் தட்பவெப்பம் -35 டிகிரி என்பது குறிப்பிடத்தக்கது.

அன்டார்டிகாவின் எல்ஸ்வொர்த் மலைப் பகுதியில் இந்த வின்ஸன் மாசிப் சிகரம்உள்ளது. தென் துருவத்திலிருந்து 1200 கிலோமீட்டர் தொலைவில் இந்த சிகரம்உள்ளது.