ஜெயலலிதாவின் உ.பி. பிரசாரம் திடீர் ரத்து

சென்னை:அதிமுக பொதுச் செயலாளர் ஜெயலலிதா தனது உத்தரப் பிரதேச மாநில தேர்தல் பிரசாரத்தை திடீரென ரத்து செய்துள்ளார்.

உ.பி சட்டசபைத் தேர்தலில் சமாஜ்வாடிக் கட்சிக்கு ஆதரவாக 2 நாள் பிரசாரம் செய்ய ஜெயலலிதா முடிவு செய்தார். பரேலி மற்றும் அலகபாத் ஆகிய நகரங்களில் அவர் பிரசாரம் செய்வார் எனவும் அறிவிக்கப்பட்டிருந்தது.

இதற்காக இன்று காலை ஜெயலலிதா உ.பி. செல்வதாக அறிவிக்கப்பட்டிருந்தது. ஆனால் கடைசி நேரத்தில் ஜெயலலிதாவின் உ.பி. பயணம் ரத்து செய்யப்பட்டது. இதற்கான காரணம் கூறப்படவில்லை.

இருப்பினும் டெல்லி மாநகராட்சித் தேர்தலில் பாஜக அமோக வெற்றி பெற்றுள்ள நிலையில் அக்கட்சிக்கு எதிராக உ.பியில் பிரசாரத்தில் ஈடுபட ஜெயலலிதா விரும்பாததால்தான் அவரது பயணம் ரத்து செய்யப்பட்டதாக கூறப்படுகிறது.