தரவரிசை-சானியா மீண்டும் பின்னடைவு

டெல்லி:டென்னிஸ் வீராங்கனை சானியா மிர்ஸா டென்னிஸ் தர வரிசையில் மீண்டும் ஒரு இடம் பின்னுக்கு தள்ளப்பட்டார்.

இந்திய நட்சத்திர வீராங்கனை சானியா மிர்ஸா கடந்த மாதம் கத்தார் ஓபன் டென்னிஸ் போட்டில் கலந்து கொண்டு விளையாடினார். அப்போது அவரது வலது முழுங்காலில் காயம் ஏற்பட்டு போட்டியிலிருந்து விலகினார்.

இதையடுத்து கடந்த ஒரு மாதமாக விளையாடமால் ஓய்வு எடுத்து வருகிறார். இதனால் சர்வதேச பெண்கள் ஒற்றையர் தரவரிசையில் கடந்த வாரம் 46வது இடத்தில் இருந்து 48வது இடத்திற்கு தள்ளப்பட்டார்.

இப்போது 48வது இடத்தில் இருந்து 49வது இடத்திற்கு தள்ளப்பட்டுள்ளார். இதே போல இரட்டையர் தரவரிசையில் 38வது இடத்தில் இருந்து 40வது இடத்திற்க்கு தள்ளப்பட்டுள்ளார்.

ஆண்கள் இரட்டையர் தரவரிசையில் இந்திய வீரர்கள் லியாண்டர் பயஸ் 8வது இடத்திலும், மகேஷ் பூபதி 22வது இடத்திலும் தொர்ந்து நீடிக்கிறார்கள்.