வருகிறது ஸ்டார் கிரிக்கெட் டிவி

டெல்லி:இந்திய கிரிக்கெட் ரசிகர்களுக்காக ஸ்டார் கிரிக்கெட் என்ற புதிய சானலை ஈஎஸ்பிஎன்-ஸ்டார் ஸ்போர்ட்ஸ் நிறுவனம் முடிவு செய்துள்ளது.

உலகிலேயே கிரிக்கெட் வெறி பிடித்த ரசிகர்கள் இந்தியா, பாகிஸ்தானில்தான் அதிகம் உள்ளனர். ஆனால் அவர்களிடம் உள்ள வெறித்தனம், நமது வீரர்களிடையே கிடையாது என்பதுதான் வேதனையான உண்மை.

இந்திய, பாகிஸ்தான் கிரிக்கெட் ரசிகர்களைப் பயன்படுத்திக் கொண்டு, அவர்களுக்கு குஷியூட்டுவதற்காக ஈஎஸ்பிஎன்-ஸ்டார் ஸ்போர்ட்ஸ் நிறுவனம் புதிதாக ஸ்டார் கிரிக்கெட் என்ற சானலை தொடங்கவுள்ளது.

ஆசிய பசிபிக் பிராந்தியத்தில் 15 சானல்களுடன் உள்ள ஸ்டார் டிவி நிறுவனத்தின் புதிய 24 மணி நேர சானலாக ஸ்டார் கிரிக்கெட் விளங்கும். இந்தியா விளையாடும் மற்றும் இந்தியா சம்பந்தப்படாத கிரிக்கெட் போட்டிகளை இந்திய ரசிகர்களுக்காக பிரத்யேகமாக ஒளிபரப்பும்.

வருகிற ஜூன் மாதம் முதல் ஸ்டார் கிரிக்கெட் டிவி செயல்படத் தொடங்குகிறது.