பகுஜன் சமாஜ் அமோக வெற்றி:ஆட்சியை இழந்தார் முலாயம் சிங்

லக்னோ:உத்தரப் பிரதேச சட்டசபைத் தேர்தலில் பகுஜன் சமாஜ் கட்சி அதிக இடங்களில் முன்னணி பெற்று முதலிடத்தில் உள்ளது. 2வது இடத்தில் சமாஜ்வாடிக் கட்சியும், 3வது இடத்தில் பாஜகவும் உள்ளன. காங்கிரஸ் கட்சி படு தோல்வியை சந்திக்கிறது.

உ.பி. சட்டசபைத் தேர்தலில் பதிவான வாக்குகள் இன்று காலை எண்ணப்படத் தொடங்கின. மின்னணு வாக்குப்பதிவு என்பதால் முடிவுகள் வேகமாக வரத் தொடங்கியுள்ளன.

மொத்தம் 402 தொகுதிகளுக்குத் தேர்தல் நடந்தது. இதில், பகுஜன் சமாஜ் கட்சி 190 இடங்களில் முன்னணியில் உள்ளது. சமாஜ்வாடிக் கட்சி 101 இடங்களிலும், பாஜக 59 இடங்களிலும் முன்னணியில் உள்ளன.

காங்கிரஸ் கட்சிக்கு 28 இடங்களிலேயே முன்னணி கிடைத்துள்ளது. மற்ற வேட்பாளர்கள் 24 தொகுதிகளில் முன்னணியில் உள்ளன.

முன்னணி நிலவரத்தைப் பார்க்கையில், தனிப்பெரும் கட்சியாக மாயாவதியின் பகுஜன் சமாஜ் கட்சி உருவாகியுள்ளது. முலாயம் சிங்கின் சமாஜ்வாடிக் கட்சி ஆட்சியை இழக்கிறது.