பயிற்சியின்போது அடி- வாஸ் தலையில் காயம்

செம்மஸ்போர்டு:இலங்கை அணியின் முன்னணி வேகப்பந்து வீச்சாளர் வாஸ் இங்கிலாந்தில் பயிற்சி ஆட்டத்தில் விளையாடி கொண்டிருந்த போது தலையில் அடிபட்டு மருத்துவமனையில் அனுமதிக்கப்பட்டுட்டு டிஸ்சார்ஜ் செய்யப்பட்டார்.

இங்கிலாந்தில் பயிற்சி போட்டியில் விளையாடி வரும் இலங்கை வேகப்பந்து வீச்சாளர் வாஸ், மிடில்சக்ஸ் அணிக்காக விளையாடி வருகிறார்.

செம்மஸ்போர்டு மைதானத்தில் மிடில்சக்ஸ், எஸ்ஸக்ஸ் அணிகளுக்கு இடையே நடந்த ஒரு நாள் போட்டியில் வாஸ் எல்லைக் கோடு அருகே பில்டிங் செய்தார். அப்போது ஒரு கடினமான கேட்சை பிடிக்க வாஸ் முயன்றார்.

அப்போது அவர் எதிர்பாராத விதமாக எல்லைக் கோட்டில் வைக்கப்பட்டிருந்த விளம்பர பலகையில் விழுந்தார். இதில் வாஸூன் தலையில் பலத்த காயம் ஏற்பட்டது.

இதையடுத்து வாஸ் மருத்துவமனையில் அனுமதிக்கப்பட்டார். 48 மணி நேரம் வாஸ்க்கு சிகிச்சைக்கு பின் வாஸ் டிஸ்சார்ஜ் செய்யப்பட்டார்.