சேலம்: திமுக-அதிமுக கவுன்சிலர்கள் அடிதடி!

சேலம்:சேலம் மாநகராட்சிக் கூட்டத்தில் இன்று அதிமுக கவுன்சிலர்களுக்கு அடி, உதை விழுந்தது.

சேலம் மாநகராட்சியின் அவைக் கூட்டம் இன்று காலை நடைபெற்றது. இதில் குடிநீர் தொடர்பாக தீர்மானம் கொண்டு வரப்பட்டது.

இந்த தீர்மானத்திற்கு அதிமுக கவுன்சிலர்கள் கடும் எதிர்ப்பு தெரிவித்தனர். இந்த எதிர்ப்பையும் மீறி தீர்மானம் நிறைவேற்றப்பட்டது.

இதையடுத்து திமுக, அதிமுக கவுன்சிலர்களுக்கிடையே கடும் வாக்குவாதம் மூண்டது. வாக்குவாதம் சிறிது நேரத்திலேயே ரகளையாக மாறியது. இதில் திமுக கவுன்சிலர்கள் தாக்கியதில் 4 அதிமுக கவுன்சிலர்கள் காயமடைந்தனர்.

காயமடைந்த அதிமுக கவுன்சிலர்களும் சேலம் அரசு மருத்துவமனையில் சிகிச்சை பெற்றனர். அதிமுக கவுன்சிலர்களை தாக்கிய சம்பவத்தால் மாநகராட்சி கூட்டத்தில் ஒரே பரபரப்பு நிலவியது.