அதிமுக எம்எல்ஏவின் வெற்றி செல்லும்-நீதிமன்றம்

சென்னை:மருங்காபுரி சட்டமன்றத் தொகுதியில் இருந்து அதிமுக வேட்பாளர் சின்னச்சாமி எம்எல்ஏவாக தேர்ந்தெடுக்கப்பட்டது செல்லும் என சென்னை உயர் நீதிமன்றம் உத்தரவிட்டுள்ளது.

முன்னாள் அமைச்சரான சின்னச்சாமி மீது எம்எல்ஏவாக தேர்ந்தெடுக்கப்பட்டதை எதிர்த்து திமுக சார்பில் போட்டியிட்டுத் தோற்ற ரொகையா மாலிக் மனு தாக்கல் செய்திருந்தார். சின்னச்சாமி மீதான வழக்குகளை சுட்டிக் காட்டி அவரது வெற்றியை ரத்து செய்யுமாறு கோரியிருந்தார்.

ஆனால், இதை விசாரித்த நீதிபதி நாகப்பன், இந்த வாதங்களில் அடிப்படையே இல்லை என்று கூறி மாலிக்கின் மனுவை தள்ளுபடி செய்தார்.