வேளாங்கண்ணி திருவிழா தொடங்கியது

நாகப்பட்டனம்:.இந்தியாவின் லூர்து நகர் என்று அழைக்கப்படும் வேளாங்கண்ணியில் அமைந்துள்ள ஆரோக்கிய மேரி பேராலாயத்தில் இந்த ஆண்டு திருவிழா கொடியேற்றத்துடன் தொடங்கியது.

வேளாங்கண்ணியில் உள்ள ஆரோக்கிய மேரி அன்னை ஆலயத்தில் ஆண்டுதோறும் 10 நாட்களுக்கு திருவிழா நடைபெறும். இதில் லட்சக்கணக்கான பக்தர்கள் கலந்து கொள்வார்கள்.

இந்த ஆண்டு திருவிழா நேற்று மாலை கொடியேற்றத்துடன் தொடங்கியது. மேரி அன்னையின் உருவம் பொறிக்கப்பட்ட திருக்கொடி ஏற்றப்பட்டது.

மேரி அன்னையின் பிறந்த நாளான செப்டம்பர் 8ம் தேதியுடன் திருவிழா நிறைவு பெறுகிறது.

இதேபோல சென்னை பெசன்ட் நகரில் உள்ள அன்னை வேளாங்கண்ணி திருத்தலத்திலும் கொடியேற்றத்துடன் திருவிழா நேற்று தொடங்கியது.