சிலியில் மீண்டும் நிலநடுக்கம்

வாஷிங்டன்: தென் அமெரிக்க நாடான சிலியில் இன்று காலை நிலநடுக்கம் ஏற்பட்டது.

இந்திய நேரப்படி இன்று காலை 10.30 மணிக்கு சிலியில் உள்ள கலாமா என்ற இடத்திலிருந்து 145 கிமீ தொலைவில் இந்த நிலநடுக்கம் ஏற்பட்டது.

இந்த நிலநடுக்கத்தால் அப்பகுதியில் இருந்த கட்டடங்கள் பயங்கரமாக ஆடின. இதனால் வீட்டிற்குள் இருந்தவர்கள் அலறியடித்துக் கொண்டு வெளியே ஓட்டம் பிடித்தனர்.

நிலநடுக்கத்தின் அளவு 5.7 ஆக ரிக்டர் அளவுகோலில் பதிவாகியுள்ளது. நிலநடுக்கத்தால் ஏற்பட்ட சேதவிவரம் குறித்து இதுவரை எந்தவொரு தகவலும் இல்லை.

இதே பகுதியில் நவம்பர் 14ம் தேதி ஏற்பட்ட நிலநடுக்கத்தில் இருவர் பலியாகினர். 100க்கும் மேற்பட்டோர் படுகாயமடைந்தது நினைவிருக்கலாம்.

English summary

world earth quake in chile