வாஜ்பாய் பிறந்த நாள்: பிரதமர் வாழ்த்து

லக்னோ: முன்னாள் பிரதமர் அடல் பிகாரி வாஜ்பாய் இன்று தனது 84வது பிறந்த நாளை, தனது தொகுதியான லக்னோவில் கொண்டாடினார்.

பாஜக ஜாம்பவான்களில் ஒருவரும், முன்னாள் பிரதமருமான வாஜ்பாய்க்கு இன்று 84வது பிறந்த நாள் ஆகும். தனது பிறந்த நாளை சொந்தத் தொகுதியான லக்னோவில் இன்று வாஜ்பாய் கட்சியினர் மத்தியில் கொண்டாடினார்.

வாஜ்பாயின் பிறந்த நாளையொட்டி லக்னோ முழுவதும் பல்வேறு சிறப்பு நிகழ்ச்சிகளுக்கு ஏற்பாடு செய்யப்பட்டிருந்தன. கண் தான முகாம்கள், கூட்டங்களுக்கு ஏற்பாடு செய்யப்பட்டிருந்தது.

முன்னதாக வாஜ்பாயை டெல்லியில் உள்ள அவரது இல்லத்தில் பிரதமர் மன்மோகன் சிங் சந்தித்து அவருக்கு வாழ்த்துக்களைத் தெரிவித்தார். இதேபோல பாஜக மற்றும் பல்வேறு அரசியல் கட்சிகளின் தலைவர்களும் வாஜ்பாய்க்கு பிறந்த நாள் வாழ்த்துக்களைத் தெரிவித்தனர்.