• search
For Quick Alerts
ALLOW NOTIFICATIONS  
For Daily Alerts

அடுத்த பிரதமர் நான்தான் - மாயாவதி

By Staff
|
Mayawati
டெல்லி: அடுத்த நாடாளுமன்ற தேர்தலில் எனது தலைமையிலான பகுஜன் சமாஜ் கட்சி ஆட்சியை கைப்பற்றி நான் பிரதமராக பதவி ஏற்பேன் என்று அக்கட்சியின் தலைவரும் உத்தரப்பிரதேச முதல்வருமான மாயாவதி கூறியுள்ளார்.

வெளிநாட்டு பத்திரிக்கை ஒன்றுக்கு அவர் அளித்த பேட்டியில், அடுத்த நாடாளுமன்ற தேர்தலில் எனது தலைமையிலான பகுஜன் சமாஜ் கட்சி, ஆட்சியைக் கைப்பற்றும். அப்போது நான் பிரதமாரக பதவி ஏற்பேன். அதற்கான வாய்ப்பு பிரகாசமாக இருக்கிறது.

மத்தியில் ஆட்சியைப் பிடிப்பதற்காக எனது கட்சியை மாறுபட்ட அடையாளத்துடன் கூடிய அகில இந்திய கட்சியாக உருவாக்க பாடுபட்டு வருகிறேன். அரசியல் ரீதியாக தீவிரமாக செயல்பட்டு வரும் மாநில கட்சிகளுடன் ஒரு புரிந்துணர்வை ஏற்படுத்துவதில் தீவிரமாக ஈடுபட்டுள்ளேன். இந்த மாநில கட்சிகள் எனது கவுரவமான கூட்டணி கட்சிகளாக இருக்கும்.

உத்தரப்பிரதேச சட்டசபை தேர்தலில் தலித், பிராமணர், சிறுபான்மையினர் ஆகியோரின் ஆதரவை ஒருசேரப் பெற்று ஆட்சியைப் பிடித்தேன். அதே பாணியை நாடு முழுவதும் பின்பற்றி, மத்தியில் ஆட்சியைப் பிடிப்பேன். சமூகத்தின் பல்வேறு தரப்பட்ட மக்களின் உணர்வுகளை பூர்த்தி செய்வதில் எந்த கஷ்டமும் கிடையாது.

பிராமணர்கள் எங்களுக்கு ஆதரவு தர தயாராக இருக்கிறார்கள். அவர்களுக்கு ஆட்சியில் இடமளிக்க தலித்துகள் தயாராக இருக்கின்றனர்.

காங்கிரஸ் மற்றும் பாஜக கூட்டணி கட்சிகளின் பிரித்தாளும் அரசியலால் தலித்துகளுக்கு எந்தவித பயனும் ஏற்படாது. இதை தலித்துகளுக்கு உணர்த்த எங்கள் கட்சி முயன்று வருகிறது எனக் கூறியுள்ளார் மாயாவதி.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

lok-sabha-home

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more