டெல்லி அக்ஷ்ர்தம் கோவில் கின்னஸ் சாதனை

டெல்லி: டெல்லியில் உள்ள புகழ்பெற்ற அக்ஷ்ர்தம் சுவாமிநாராயணன் கோவில் கின்னஸ் சாதனைப் புத்தகத்தில் இடம்பெற்றுள்ளது. உலகிலேயே மிகப் பெரிய இந்துக் கோவில் வளாகம் என அது அங்கீகரிக்கப்பட்டுள்ளது.

டெல்லியில் உள்ள மிகப் பெரிய கோவில் அக்ஷ்ர்தம் சுவாமி நாராயணன் கோவில். இக்கோவில் 86 ஆயிரத்து 342 சதுர அடி பரப்பளவில் இக்கோவில் அமைந்துள்ளது.

இந்தக் கோவிலை உலகிலேயே மிகப் பெரிய இந்துக் கோவில் வளாகம் என கின்னஸ் சாதனைப் புத்தகம் அங்கீகரித்துள்ளது. கடந்த 3 மாதங்களாக இந்தக் கோவிலை கின்னஸ் சாதனை நிறுவன அதிகாரிகள் ஆய்வு செய்து இக்கோவிலை உலகின் மிகப் பெரிய இந்துக் கோவிலாக அறிவித்துள்ளனர்.

இதுதொடர்பான சான்றிதழும், அக்ஷ்ர்தம் கோவில் நிர்வாகத்திடம் வழங்கப்பட்டுள்ளது.

உலகிலேயே ஒரு இந்துக் கோவில் கின்னக் சாதனைப் புத்தகத்தில் இடம் பிடிப்பது இதுவே முதல் முறையாகும் என்பது குறிப்பிடத்தக்கது.