For Daily Alerts
Just In
தண்டவாளத்தில் விரிசல் - ரயில் போக்குவரத்து பாதிப்பு
சென்னை: சென்னை மீனம்பாக்கம், திரிசூலம் ரயில் நிலையங்களுக்கு இடையே தண்டாளத்தில் விரிசல் ஏற்பட்டதால், மின்சார ரயில் போக்குவரத்து முக்கால் மணி நேரம் பாதிக்கப்பட்டது.
சென்னை கடற்கரையிலிருந்து, திருமால்பூர் செல்லும் விரைவு மின்சார ரயில் இன்று காலை வந்து கொண்டிருந்தது. மீனம்பாக்கம் ரயில் நிலையத்தை அது நெருங்கிக் கொண்டிருந்தபோது, மீனம்பாக்கம் - திரிசூலம் ரயில் நிலையங்களுக்கு இடையில், தண்டவாளத்தில் விரிசல் இருந்தது தெரிய வந்தது.
இதையடுத்து அந்த ரயில் மீனம்பாக்கம் ரயில் நிலையத்தில் நிறுத்தப்பட்டது.
தாம்பரத்திலிருந்து விரைந்து வந்த ரயில்வே ஊழியர்கள் அந்த விரிசலை சரி செய்தனர். இதன் காரணமாக முக்கால் மணி நேரம் இந்தப் பாதையில் மின்சார ரயில் போக்குவரத்து பாதிக்கப்பட்டது.
முக்கால் மணி நேர தாமதத்திற்குப் பின்னர் திருமால்பூர் ரயில் கிளம்பிச் சென்றது.
Comments
Story first published: Tuesday, February 5, 2008, 15:23 [IST]